* * * შენ რომ მეტყვი -კარგი ვარ

შენ რომ მეტყვი - კარგი ვარ,
შენ რომ მეტყვი - გიწამლე
ჩემს ტკივილებს კარადის
ბნელ კუნჭულში ვინახავ.

პაწაწინა ხელის გულს,
ჩემს ხელებს რომ ატოლებ,
შენ რომ ახლა გიყვარვარ
შენ რომ ახლა გიყვარვარ…

არ სჩვევია არავის ,
სულის ასე შენახვა.
შენს თვალებში ჩასახლდნენ
გზები ჩემი სახლისკენ.

გელოდები პატარას,
ჩიტს, გაფრენილს ბუდიდან,
მეც ხომ ასე ვეძებდი,
თავშესაფარს ოდესღაც.

შენ რომ მეტყვი -კარგი ვარ.
შენ რომ მეტყვი -გიწამლე.
შენ რომ ასე გიყვარვარ,
შენ რომ ასე გიყვარვარ.