სპეკალი

გცვივა ზურმუხტები თვალებიდან,
შენში ხელუხლები ფირუზია.
კოცნა გაიმეტე ლალებიდან,
გიშერს ჩამოგვარცხნე ილუზია.
გულზე გიკიდია საფირონი,
მათრობს წყალი- პეშვში ამეთვისტოს.
ცაში ვერ ისვენებს ბაირონი,
უნდა სიყვარულით ამეთვისოს.
ღიმილს ასხივოსნებ ბროლებიდან,
ყელზე ისპეტაკებ მარგალიტებს.
მსგავსიც ,რომ არა გყავს ტოლებიდან,
წრიდან არ გავცდები ფარგალიტებს.
ადრე იძინებდა - გული ნანით,
დღეს კი მთვარე მჩხვლეტავს ეკალითა .
თვალს არ მახუჭვინებ კულინანით
და სხვა უთვალავი სპეკალითა.
კოცნას გავიყოლებ ლალებიდან,
გიშერს მოგაშორე ილუზია.
გცვივა ზურმუხტები თვალებიდან,
წამო ღმერთთან ახლოს ფირუზია.