შვება არის სიკვდილი

არ მჭირდება ცრემლთა ფრქვევა,
არ მჭირდება ტირილი;
სიცოცხლეა მწარე თორემ -
შვება არის სიკვდილი.

თვალთმაქცობამ, მლიქვნელობამ -
ვგონებ ბოლო მომიღო,
წუთისოფლის სიავემ -
მე გამოცდა მომიწყო.

გიღიმიან, გიცინიან,
უჟუჟუნებთ თვალები,
დაეცემი? გაგთელავენ
და ხდებიან ავები,
მრისხანებით უელავთ -
იმათ იგივ თვალები.

ჰეი, ჩემო საწუთროვ -
რა გზით უნდა მატარო?
რადგან მივხვდი მე უკვე -
სასტიკია სამყარო.

მივხვდი წუთისოფელში -
მოსვლა დავაგვიანე,
რადგანაც მე გამართულად -
ქვეყნად ვერ გავიარე.

არ ვიყავი მგელი მე,
პირფერი და ორპირი,
ნუ გგონიათ ამ ლექსით -
ამ ყველაფერს მივსტირი.

იმას ვჩივი რომ ამ ქვეყნად -
ყველაფერი ყალბია,
იმას ვჩივი სიძულვილი -
მართალი და ნაღდია.

არ მჭირდება ცრემლთაფრქვევა,
არ მჭირდება ტირილი,
სიცოცხლეა მწარე თორემ -
შვება არის სიკვდილი.

2015 წლის 2 დეკემბერი