მე გავთხოვდები უსიყვარულოდ

მე გავთხოვდები უსიყვარულოდ ,
გავაჩენ ზღვისფერ, ლურჯთვალა შვილებს
და გავგრძელდები მათში უბრალოდ
და სიმარტოვეც ალბათ მიშვილებს .

მე გავთხოვდები უსიყვარულოდ
და ყოველ დილას დავიწყებ ფიქრით .
მერე დაგკარგავ უგზოდ, უკვალოდ
დრო არ ჩერდება , სულ სადღაც მიქრის .

მწამს , გათხოვილი ქალების კდემაც
სწრაფად გაიდგამს ჩემში ღრმა ფესვებს
და ჩემი ნებაც ასე მოკვდება ,
მაგრამ უშენოდ რა მომასვენებს ?!

თუ გადაგაწყდი სადმე ძვირფასო ,
(ღმერთმა ნუ ქნას და ) ,
რომ ისევ შეგხვდე ,
მერე სინდისმა ( უნდა და )
მქენჯნოს ,
დე , მოღალატის სახელიც შემრჩეს !

ოღონდაც ვიგრძნო მაგ კანის სითბო ,
შენი სხეული დავკოცნო კრძალვით ,
ისევ შევიგრძნო სურნელთა სიტკბო
და ვნების დავლა ჟრჟოლებად ტანში.

შენ გააჩერებ დროსა და საათს ,
მე კი ტუსაღი ვიქნები ბედის .
გადამავიწყებ წესსა და ადათს
დღეს
გათხოვილი ქალის და დედის .

დე , დამეწუროს მკერდი ,
ჯანდაბა !
ერთმანეთს ლამაზ სიზმრებად შევრჩეთ ,
მაგრამ შვილები ?
ო , არა , არა !
ჩვენ არასოდეს არ უნდა შევხვდეთ !

მე გავთხოვდები უსიყვარულოდ ,
შენც იქნებ შენს ბედს ოდესღაც შეხვდე .
მე დამერქმევა ერთგული ცოლი .
ჩვენ აღარასდროს არ უნდა შევხვდეთ !

მარუსა