კივილი

აღარც წვიმები, აღარც სხივები
აღარ ამშვენებს წყეულ სიცოცხლეს,
აღარც სიტყვები, აღარც რითმები
აღარ ასწორებს ხვეულ სტრიქონებს.

აღარც ფიქრები, აღარც ხიდები
აღარ ეწყობა სულის სიმრთელედ,
აღარც რიტმები, აღარც სიზმრები
აღარ ამდიდრებს ღარიბ სიმღერებს.

მხოლოდ ყვირილი, მხოლოდ კივილი
შემრჩა უღმერთო წამის სიმოკლედ,
ბნელი ფერებით ვეღარ ვერევი
ამ უწმინდური სულის სიკოჭლეს.