რემინისცენციები ..

(ჩაკეტილი წრეები)

დროის მორევი ნავსაყუდელს
ნაპირებს აცლის
და ოცნებები ემსგავსება
სტრიქონებს წაშლილს...
დრო, გარდასული, ირეკლება
ხედებში სარკის...
აუხდენელი მომავალი
წარსულში გარბის...

*
კვლავ ირეკლება სარკეებში
აწ გარდასული...
წრეებად შეკრა მომავალმა
ჩემი წარსული...
2009 წ.

ინიციაცია № N
(მეტამორფოზები)
ფერისცვალების ფარდა
მისი სამოსი გახდა...
ყოველი წამის განცდა
მარადისობას გასცდა,...
სიკვდილის წამის გარდა
და ისიც სიზმარს ჰგავდა...
2010 წ.