გამოგიგონე

მე ვარ ფანტაზია, რომლითაც შენ გამოგიგონეს,
მე ის ოცნება ვარ, შენმა თვალებმა რომ წუხელი შექმნა.

ის ტილო ვარ, შენს დასახატად რომ გამოიგონეს,
შენ გადაკარგული ჩემი ოცნების ცრემლებმა შეგქმნა.

სტრიქონები ვარ, ოცნებებისთვის გამომიგონეს,
შენმა ტუჩების სიტკბომ, შენმა ალერსმა მუზებად შემქმნა.

ის ცრემლები ვართ, დარდით სევდაში რომ გამოგვიგონეს,
შორს როიალზე ჩვენ მუსიკოსმა ჩუმად ნოტებში შეგვქმნა.