ჩანაწერი Laravel

ლექსკლუზიური საიუბილეო

ტარიელ ჭანტურია 11 წლის წინ

♡ 0

<em>ქალბატონ გულიკო ჩაფიძეს</em>

რაც არ უნდა მოხდეს აწი,
ეს სამოცდაათი წელი -
ოცდახუთიათას ხუთას
ორმოცი დღე ხომ გავძელი!

აქეთ - აკაკი და ვაჟა,
იქეთ - პუშკინი და შელი!
რა თქმა უნდა - ჰომეროსი!
რა თქმა უნდა - რუსთაველი...

გალა. დანტე. რემბო. ლორკა.
ანრი ბეილი და ბელი...
ჩემზე უფრო მათი იყო
ეს სამოცდაათი წელი...
... ცას ცრემლიანს ავცქერი და
მეც გაფრენას ჩემსას ველი -
სიცოცხლისთვის, სიკვდილისთვის -
ორივესთვის მადლობელი...

Laravel

წყარო: http://litklubi.ge/biblioteka/view-nawarmoebi.php?id=10382

ლექსკლუზიური საიუბილეო

კომენტარი