როცა დავრწმუნდი..

როცა დავრწმუნდი,

რომ ვერასოდეს გაიღვიძებ ვარსკვლავის გულში,

რომ ვერასოდეს ჩამოსძახებ

შუა ძილშიო ჩაყვინთულ ფანჯრებს:

გადაიძვრეთ ღამის საბანი,

გადმოფერთხეთ მრუში სიზმრები,

როცა დავრწმუნდი,

რომ ვერასოდეს გაიღვიძებ იმ ქალის ტანში,

და იმ ფიქრებსაც

ვერასოდეს გადაურბენ თავზე ხარხარით,

ვერასოდეს მიიკრავ გულთან

ბედსნიერებას-სულ რომ ასე გეცოტავება,

როცა დარწმუნდი და ხელები გარეთ დაყარე,

შენი ლოგინი ისე შეირხა,

თითქოს ახალი საფლავიდან

მიცვალებული წარმომდგარიყოს.