მე დავალ მარტო ..

მე დავალ მარტო და დავეძებ მეგობარს სულის,
მე მას ვეძახი და დავეძებ დასაბამიდან,
არავინა სცანს და დუმილი დამდგარა სრული,
არ ჩანს არავინ და იმედიც გაქრა, წავიდა.

აკი კიდევაც მომივლინა მაღალმა ღმერთმა
სულის მეგობრად უმაღლესი ჩემი მსგავსება,
მე მასთან ღამე გავათენე, ვიყავით ერთად
და მე ვიგრძენი სიმაღლიდან დაბლა დაშვება.

ეხლა მარტო ვარ, მარტოობამ თმცა დამრალა,
ეხლა ვარ მარტო და ამიტომ ვარ მე მაღალი.