რას ერჩი მაგ ბიჭს, თათარო?

<em>(თემურ_ლენგის დროების)</em>

რას ერჩი მაგ ბიჭს თათარო!_
ხომ ჰხედავ, დაკოდილია?
მამულისათვის იბრძოდა,
რადგან მამულის შვილია…

რაზე ატყავებ, წყეულო?_
აგერა ვყევარ ძმობილი!..
_დასხლტა ისარი ფრთიანი_
გაგორდა თათრის შობილი!

შენ რაღას ერჩი მაგ ქალსა,
რაზედ აწვალებ შანთითა…
სჯულს ხომ ვერ შეაცვლევინებ,
თუ გინდ დამდუღრო ნავთითა…

რაძედა სტანჯავ, წყეულო?_
აგერა ვყევარ ძმობილი!..
_იჭექა ზეცით_ დაეცა
თათარი პირდამხობილი!..

შენ რაღას ჰკუწავ, თათარო,
ბალღებსა უსუსურებსა?
ნეტა ვიცოდე, მაგათს სისხლს
მაგრე რა მოგაწყურებსა?!.

ხელი შეაღე, წყეულო!..
რადა ხარ დაუნდობელი?…
_ დასხლდა ისარი _ და წაწყმდა
უსჯულო შეუნდობელი!..

აგრე იბრძოდნენე ქართველნი
მამულისათვის, სჯულისთვის,
ეწამებოდნენ ქრისტესთვის,
თავისუფლების გულისთვის!..