ნადირობისას

ნადირობისას
რტო შეუფრთხო, ეგონა, არჩვმა
და რას, თუ მეტყვი,
რას მოკლავდა?! -
შვილი მოკლა
ბედკრულმა კაცმა...

მკრეხელობაა,
რა თქმა უნდა, ამაზე წერა,
მაგრამ ის კაცი
ა, აგერ მყავს,
ერთად ვსვამთ -
გჯერა?!

ხუთი წლის თავზეც
თვალში მსხვილი კურცხალი უდგას,
ეგ - მართალია!
მაგრამ რა ჰქნას?!
არსებობს!
სუნთქავს!..


არის სირეგვნე, -
კაცმა ახლა რაიმე ჰკითხოს,
ან ანუგეშოს!
და შენც კურცხალს
ვერც ხედავ თითქოს...

ოღონდ ეს არის,
დაუნდობლად მკაცრი და ბასრი,
გამზადებული
საკითხავად
ფუთფუთებს
აზრი:

„ჰოი, საბრალოვ,
რით, რა ძალით დღეებს შეები?!
რა ძალით ბუნვენ
მოწამლული
შენი დღეები?!