მესაზღვრის სიმღერა

სამშობლო, მიეცი ძვლები უჟანგავი
ყველა შენს მესაზღვრეს,
რომელიც მოძრავი მიწის გუშაგია,
რომელზეც თესავენ -
ხან ყანას, ხან ბაღებს,
მტრის ჯარისკაცების
მუხლებს და იდაყვებს.

სამშობლო, რკინის და ნერვების მესერზე
ასხმულო, გიყვარდეს
ყოველი მათგანი. იყოს უანგარო -
მსხვერპლიც და ამაგიც.
მიეცი სახელი – ყველას – უჟანგავი.
ნუ მისცემ ჯამაგირს.

ვაშლის ბაღებიდან ასული კვამლი და
ტოტების ტკაცუნი.
ვაშლით დატვირთული ტრაილერები და
თვალები გაცურდა.

სამშობლო, ბაზარი – ის უსაზღვრებოა.
გარშემო უვლიან
ეს მთაგრეხილები, ეს წყალგამყოფები.
ის – მშობლიურია.