შეკეცე სურვილი ..

შეკეცე სურვილი
სივრცე და ტრამალი,
ტკბობას და სიცოცხლეს
მეორედ ვინ მოგცემს.
"უფრთხილდი მანქანას",
"უფრთხილდი ტრამვაის".
"უფრთხილდი ელმავალს",
"უფრთხილდი სიცოცხლეს".
ისმინოს,
ისმინოს,
ვის აღზრდა სწყურია:
-ნუ აღფრთოვანდები
და ცოტა ილხინე.
"ეს სასიკვდილოა" ,
"ის აკრძალულია".
სიფრთხილე!
სიფრთხილე!
სიფრთხილე!
სიფრთხილე!
სიფრთხილეს თვალი აქვს,
სიფრთხილეს ყური აქვს,
სიფრთხილეს შია და
სიფრთხილეს სწყურია.
სიფრთხილეს არ სტკივა
არც გული, არც თავი,
სიფრთხილეს არ უთქვამს
არასდროს მართალი.