მინდა, ყავას შენი ლოყა დავაყოლო..

ყავას, მინდა, შენი ლოყა დავაყოლო,
მერე პირველ მოთოვილზე გავიდე,
ოღონდ გარეთ თბილი კოცნა გამაყოლე,
რომ იანვრის გულამღვრეულ ამინდებს
ასე ჩაცმულ-გალღობილი შევეომო,
ქუჩებს ფეხქვეშ დავიდევდე არარად.
მერე ისევ (თუ არ მეყო) შემოგივლი
ღიმილის და კოცნის მოსაპარავად.
რა მაგარი პოეტი ვარ,
გასაკვირი:
აღარ ვსვამ და არ ვეწევი არაფერს,
სხვანაირი აღმაფრენის ასაკი მაქ,
შენი სითბო ერთ დღეს მოვიალაფე...