დასავლეთი თუ რუსი?

ჩემი კარტი ჭრელია:
ტუზი,დამა,ვალეტი...
დღეს რაც უეჭველია,
ამ აპრილის მწუხრისას,
წამოვწვები ბუხრის წინ,
რამე მაგარს დავლევ და
მარტო ძაღლების ყეფა
შემაწუხებს გარედან.

ყელში ამომივიდა ბაყაყების ყიყინი,
ჯერვერდალაგებული ქუჩა ნაგვით ივსება.
იყო ერთი-ორი რომ წამოყო ნიყვივით
თავი საქართველოსთვის
და მოკვეთეს კისერი.

ვზივარ სიტყვისამარა და მწერლობას ვითავსებ.
არ ჩანს ალოგიკურად დაწოლილი ბურუსი.
არ მაქვს სრული პასუხი საუკუნის კითხვაზე:
ჩვენ რომელი გვიშველის
დასავლეთი თუ რუსი?

საწყალი საქართველო რძეგამშრალი ძროხაა!