ხვალემ იზრუნოს ხვალისა

გალაკტიონ ტაბიძე 11 წლის წინ

♡ 0

ხვალემ იზრუნოს ხვალისა,
ხვალემ იზრუნოს ხვალისა!
ღვინომ აიღოს ღვინისა,
წყალმა წაიღოს წყალისა!

არც ვწუხვარ, არც მერიდება
მიმავალ-მომავალისა;
წყალმა წაიღოს დიდება,
ხვალემ იზრუნოს ხვალისა!

გულმა მიიღოს გულისა,
ხვალემ იზრუნოს ხვალისა.
ღვინომ მიიღოს ღვინისა,
წყალმა წაიღოს წყალისა!

Laravel

კომენტარი

კომენტარის დასამატებლად გაიარეთ ავტორიზაცია. ავტორიზაცია →