გაძარცული ვენახებიდან

გაძარცული ვენახებიდან
ჩემი სიბერე მიმზერს
თხამ რომ შეჭამა შეღამებისას.
თითქოს ურემი გადაბრუნდაო
თოთო ბავშვივით
აკვნესდა გული
და ჩამომცვივა ყვითელი ფოთლები
თითქოს მე ვესწრებოდე ჩემს შემოდგომა-
დასაფლავებას ეული ხე.
მოხდა ტრაგედია
დავკარგე ყველა ნათესავი
ახლა რომ მიმზერენ იმ მტევნებიდან,
რომლებსაც ფერი წასვლიათ
შემოდგომის ცივ ღამეებში,
ჩემი პირმშო და ავლადიდება
თხამ მიისაკუთრა.
‒ ვენახი ჩემი სიბერე,
‒ ვენახი ჩემი ნათესავები,
ჩემი პირმშო და ავლადიდება.
2019