წავალ

წავალ ვიპოვი სულისთვის საყდარს
თან წავიყოლებ შექსპირს, დანტესაც,
რადგან არავის არ ვეყვარები
რადგან არავინ არ მეყვარება.
გადავშლი გრიგალთ ანადევნები
ფურცლის უბრძენეს მკითხვარ ტილოებს,
ან გავმრთელდები, ანდა ვევნები
რომ გრიგალებში მივქრი-მოვქროდე.
სულისთვის მძიმე განაჩენია
გრიგალთ ასხმული ფურცლის დაფერფვლა,
სულის მეუფევ გაჩნდი ფერიად
შემომაყარე კვესი დაფნებად.
წავალ, დარეკავს ახლად ზარები
მარტო ვიტირებ შექსპირს, დანტესაც,
რადგან არავის არ ვეყვარები,
რადგან არავინ არ მეყვარება.
2018