ჩანაწერი
Laravel
მზეს მიფიცხებულ თოთო ბავშვივით
მზეს მიფიცხებულ თოთო ბავშვივით
დუმილით ვდგავარ სამარის კართან
უკვე გავმხდარვარ მიწის არჩივი
და მლოცველივით გულღია ვდგავარ.
გატკეპნილ გზებზე ბევრია გლოვა,
ჭკუის არევა, მორევა ბრაზის.
როგორც ხეების ნაყოფის მოსხმა
მაინც მახარებს რაღაც ამგვარი.
რაღაცა ილტვის საოცრებისთვის
რაღაცას გული ეთმობა მწარედ
ჩემში და მაინც მორევის ტკივილს
ვახშობ შიგნით და გავფანტავ გარეთ.
არ შემიხედავს ბარჩხალა მზისთვის
როგორც მე ვუმზერ სამარეს ახლა
ასე არასდროს სიმძიმის ტვირთი
არ აწეულა მხრებიდან მაღლა.
ვდგავარ და ჩუმად, ჩუმად და ჩუმად
ისმის ჩემს გულში უკრავს ორგანი
თურმე იმდენი ხანი გასულა
რომ დაიცალა ქვიშა მომავლის.
2020
დუმილით ვდგავარ სამარის კართან
უკვე გავმხდარვარ მიწის არჩივი
და მლოცველივით გულღია ვდგავარ.
გატკეპნილ გზებზე ბევრია გლოვა,
ჭკუის არევა, მორევა ბრაზის.
როგორც ხეების ნაყოფის მოსხმა
მაინც მახარებს რაღაც ამგვარი.
რაღაცა ილტვის საოცრებისთვის
რაღაცას გული ეთმობა მწარედ
ჩემში და მაინც მორევის ტკივილს
ვახშობ შიგნით და გავფანტავ გარეთ.
არ შემიხედავს ბარჩხალა მზისთვის
როგორც მე ვუმზერ სამარეს ახლა
ასე არასდროს სიმძიმის ტვირთი
არ აწეულა მხრებიდან მაღლა.
ვდგავარ და ჩუმად, ჩუმად და ჩუმად
ისმის ჩემს გულში უკრავს ორგანი
თურმე იმდენი ხანი გასულა
რომ დაიცალა ქვიშა მომავლის.
2020
Laravel
კომენტარი
0