ჩანაწერი Laravel

ორიგამის ჩიტი

ჟანა ანანიძე 1 წლის წინ

♡ 1

***
ვერ გადაგარჩენ,
წვიმა თავისას იზამს,
ჩარეცხავს დარდებს...
აღარ მოვდივარ შენს სარკმელთან.
მკლავს ამის ცქერა ~
თუ როგორ კვდები.
არა ხარ ჩემთან ~
შენი ხმა დამდევს
ცის მგზავრი ხარ~
ცისფერი ჩიტი.
-ნუ გალურჯდები...
-ნუ მეტყვი:
,,ვეღარ გნახავ"...
ქაღალდის ტყვიებს ვატან ქარს,
ქაღალდის თოფით...
ორიგამებს წვიმა ასველებს...
შენამდე ქაღალდის სურნელი მოდის...
ვერ გადაგარჩენ
წვიმა თავისას იზამს
ჩარეცხავს ლანდებს...
თავს მოიკლავ ქაღალდის თოფით...
ქაღალდის ტყვიით~
ეჰ,ეს სიყვარული
მელნის ტბორში~
მოსაღამოვდა და იჩეკება
ქაღალდის ბუდეში
ორიგამის ჩიტი...

ჟანა ანანიძე
2025

Laravel

კომენტარი

თემურ თავაძე ფილოსოფიის მაგისტრანტი დონე 1 · ახალბედა 1 წლის წინ

ძაან კარგია🤎 ღრმა სევდით გადალეწილი სამყაროს ოხშივარად ამსუნთქული.
ძააან მიყვარს თქვენი პოეზია.

ჟანა ანანიძე ,,ამ ცხოვრებაში ზღვა ვარ,შემდეგში ყვავილი ვიქნები" დონე 1 · ახალბედა 1 წლის წინ

♡ 🩵💙💚💛

კომენტარის დასამატებლად გაიარეთ ავტორიზაცია. ავტორიზაცია →