ვაზის სადიდებელი

ვაზის სადიდებელი

ვაზო, ნაზარდო ლოცვითა,
მადლით მოსილო უფლისა,
დამხვედრო, გამცილებელო
ჩვენ კაცთა წუთისოფლისა...

ღვინოვ ხარებით შექმნილო,
ხარების მზეო ნათელო -
ღმერთთან სისხლითა ზიარო,
კაცთა სულისა სანთელო...

გვალხინე წუთისოფელი,
ზიარი გვეყავ ღმერთთანა,
დაგვიტკბე პური და ხემსი,
ლხინით აავსე ქვეყანა!..

ხარება შენსა გამჩენსა,
შენსა გამზრდელსა მდელოსა! -
ხარება შენზედ მზრუნველსა,
შენს მშობელ საქართველოსა!

20.07.2019
ლადო ციმაკურიძე