სინანულით უფალს...

არ დაგტოვებ - კმარა რაც გაგაწბილე,
უშენობით დღე ბრძოლას შევალიე,
დღეს შენს კართან დაჩოქილი მოვდივარ,
გთხოვ შემინდე... უშენობით შფოთში ვარ.
ვესწრაფვოდი ამ ცხოვრების საწიერს,
გართობისთვის ლოცვაც კი გადავწიე,
ბევრჯერ ცოდვით შემიფერავს მარჯვენა,
სიცხადეა? - ამ სიცხადის არ მჯერა...
გართობას და ლხენას მივეც აზრები,
შენს გარეშე - ობლად დავიარები,
მე უშენოდ სიკვდილისაც არ მჯერა,
გთხოვ მიმიღე... აღარ წავალ ამჯერად.
ყველა ხალხის მოვიხილე მითები,
ნაქებარი ფერად-ფერად სიტყვებით,
მაგრამ გრძნობის ვერ შევძელი გამხელა,
მაპატიე... ცრემლით თვალი დასველდა...
აღარ წავალ - კმარა რაც გაგაწბილე,
ჩემი ქცევით ბევრჯერ ცრემლი გადინე,
შენს წინაშე დაჩოქილი მოვედი,
შენდობას გთხოვ... სინანულის მორევით...
....................................................................................
ყველა სიტყვა ვიცი შენთვის ფარსია,
საქმით ნახავ რა გრძნობაც გამაჩნია...