ნეტარი ღამე

სული წაუღიათ უცხო მიდამოებს,
მე არ მქვია სადმე მყოფი. ეს მერცხლები
ისევ დაფრინავენ. ფრთები მინდა, მქონდეს;
შენ კი ამ ღამეში სიზმრად შემეხები.

ისევ ვისეირნებთ ცისფერ ქუჩებში და
შენზე მრავალ ამბავს ჩემ გულს დავახვედრებ.
ჩემზე მოგიყვები, წუხელ თუ რა მჭირდა;
შემდეგ შენი მკერდის სითბო დამასვენებს.

ნეტარ სიზმარიდან გავალ. ღვიძილია.
ისევ ნატვრა ჩნდება, გრძნობის მომლოდინე.
როდის დაღამდება - სული მიხდილია.
როდის დაბნელდება - ამ შუქს ვეღარ ვუძლებ.