სიზმარში გნახე

სიზმარში გნახე, იყავი ჩემი,
ფოთლებს მოჰქონდათ ჩვენთან შრიალი.
შეტკბობის ტბაში ცურავდა გემი.
ჩვენ ზედ ვიყავით, სავსე ფიალით.

პირთამდე სავსე ღვინის მორევში
ვიძირებოდით, ვიკარგებოდით.
აქაურობის ქრობის მომენტში
ჩვენ ერთმანეთში ვიბადებოდით.

სიზმარი იგი იყო საამო,
ვით მწყურვალ გულზე - ანკარა წყალი.
ეს ჩვენი ტრფობის ერთი საღამო -
სანუკვარი და დაუვიწყარი.