პოეტის სული

ვიცი, პირველად არ ხდება ასე,
რომ მელანდება ნისლები და მთა...
პოეტის სული, სიზმრებით სავსე,
პოეტის სული - ზმანება მთვრალთა.

ლანდები სულში იწვევენ ბგერებს;
ამ ხმებს გარდაქმნის აზრი მუსიკად.
პოეტის სული შეიცავს ფერებს;
შთაგონების ცა ელვას უცდიდა.

იშლება სულში ნისლების მიღმა
მუსიკის სივრცე, გედები და ტბა.
როცა ბგერების მოვიდა წვიმა,
სული გედების სიმღერით დატკბა.