,,Te quaero"

მაისის თოვლი, ისევ, მოვა მთებს
და გაიშლება თოვლში- კლდის ქუჩიც!
მე დაღლილს ფეხებს ძვლივსღა მოვათრევ,
თუმც, კვლავ დავყვები ნაპრებს, ქუჩის-

ო, ისევ გეძებ, ზმანებად... რულად...
ფურცლებში...(- მწამს, მე, შენზე მეტყვიან!)
და ახლა რასაც განვიცდი, სრულად-
იგი სურვილზე ასჯერ მეტია!

მკლავს მთების სუსხი! (სუსხი ხველას მფენს...)
და სუროსავით მაკრავს, მე, გარს და

(ო, როგორ მოჰგავს, იგი, ყველაფერს!
ყველაფერს- შენი ღიმილის გარდა)

კვლავ, როგორც წლების სიუხვე- ნაოჭს,
დაღალულ ფეხებს, ისე მოვათრევ!
ვიცი, გპოვებ შენ!- თავნებას და ურჩს...
და თოვლიც, ალბათ, ისევ მოვა მთებს…

თამთა მუმლაძე ✏