ოლე

⚫


ცისფერი ნაფლეთი,-
ავი კიდე,
ღრუბელმა, წვიმისამ, ამოლესა.

სიბერე მეგზურად ავიკიდე,
დღეს უფრო მესმის მე ამ ოლისა*.

დანებდა თოთი და რა იცინის,
მეხებმა ბოლოღა გაისროლეს...
,,-მოვხუცდით...
თარიღთა რა იციან,
ისევ აქ ვიდგებით გაისს, ოლე!"

იმედის გადეკრათ ჩურთ*, ჩულები *,
გავყურებთ ნარჩენთა ალათ,- წრიულ...

გლახანი,
გამვლელნი
ჩურჩულებენ:
,,-გამოხმა...
მოჭრიან, ალბათ, ,,წრეულ"..."

თამთა მუმლაძე ✏

* ოლე- ახოში საჩრდილობლად დატოვებული ხე;
* ჩური- თოშსა და ყინულს რომ მიაყრის ერთად;
* ჩული- ბალნურა;