გაზაფხულის ცა (მანდაეთს)

●
მაცნეა, წვიმის,
,,ელვა დეპეშა",
ჩანს, უსახური,- ახლის...

როს მოიმარჯვა ელვამდე პეშვით-
ჟიჟმატს სახურავს ახლის.
,,წელს უსათუოდ მოიწევს მტილი!"-
ფრთანი აიკრეს ქორთა.
ელვა, როგორც ბმა ორი წერტილის-
ცამ გადაიკრა ქორდად...

თუმც ვით როსკიპი მეწვრილმანე მყვარს,
მზეს უკვე აცმევს იქ ,,რობს"*...

ო, სიყვარულით მე წვიმა მიყვარს
ის კი მპასუხობს:
,,-ვფიქრობ..."

თამთა მუმლაძე ✏

*სპეციალური, სამუშაო ტანსაცმელი.