თავანი

ღრმა კვალი ლამბაქზე,
ხმა- წვრილით
უკუღმა ნაკითხი ქარტია...
კუთხეში- დასჯილი
ყმაწვილი
და სკამზე- გაშლილი კარტია.
ლოყებზე ჯურღმული,
სკვარამი,-
თუ გოგოს... თუ ბიჭის...
თუ ერთად...
მკლავებით შეკრული
სხვა რამე,
საკინძე-
გახსნილი, დუეტად.
დაძლეულს იბარებს.
ფრიალობს
ხავერდის
და გული უფრორე...
აღმართი... დაღმართი...
ფრიალო...-
სხეულზე ნაკვეთებს უფორმებს.
ჭერიც- ხე...
თაღიც- ხე...
შირმაც- ხე...
უკუღმა ნაკითხი ქარტიაც...
კუთხეში- დასჯილი სიმორცხვე
და სკამზე- გაშლილი კარტია.

თამთა მუმლაძე ✏