კოცონთან

ღრუბელი მზეს ზღვაში
ჩაიტანს და მოვა!-
ვჩურჩულებ- ,,იწვიმოს..."
მე მზად ვარ გკოცნო, თან
ღიმილით ვუყურებ
ჩაის და სამოვარს
და შავ-თეთრ ფარდაგს ვშლით,
მე და შენ, კოცონთან.

შორს, ბავშვი, თვალს ვერ გწყვეტს,-
ჩემს ძვირფას კორიფეს
და პეპლებს საჭერით
ხან ვერ და ხან იჭერს...
მერე, შენ იხრები
და მიკრავ კოლიეს,
მე სახლში შევზიდავ
ხავერდა ხალიჩებს-

საცაა იწვიმებს.
-იწვიმებს საცაა...
ღიმილით გავყურებ
ჩაის და სამოვარს...
როგორ მსურს იწვიმოს!-
წვიმაა რაცაა!
ვჩურჩულებ- ,,მზეს ზღვაში
ჩაიტანს და მოვა..."

თამთა მუმლაძე ✏