პატარა გოგო ფეხით სრესს მტევნებს...

პატარა გოგო ფეხით სრესს მტევნებს,
ნაზ სახეს ცხელი, უკმევს, ალმური!
უწვრილეს მაჯებს, უწვრილეს მტევნებს,
წიპწების, იკლებს, ისრით, ამური.

შორს, სადღაც, ვიღაც იწყენს ვინილით-
ფირფიტებს ამსხვრევს, იგი, მიწაზე...
ვის გამო, ანდა რისთვის, ვინ იცის,-
პატარა გოგო იღიმის ასე...

იქნებ, იბრალებს, წერილის დასტა...
იქნებ უღიმის მარცვლებს, ან მწევრებს...
სულ სტვენით ჰყვება მომღერალ დასს და
ნამცეცა ფეხით სრესს სავსე მტევნებს.

თამთა მუმლაძე ✏