რთველი

ვაზმა დაიბერტყა გრეხილი ტოტები
და თავის ნაყოფი მშრომელ ხელს გადასცა,
ქარვესფერ მტევნებით აივსო გოდრები,
მარანში საწნახელს დაეტყო ბარაქა.

ამღერდა ქვევრებში ჩუხჩუხა მაჭარი,
ქვაბებში თუხთუხებს ცხელ-ცხელი თათარა,
კაკალმა მოძებნა ლამაზი თოკები,
ხარიხა ჩურჩხელის მძივებმა დახატა.

პალიტრა შეივსო ღვთუირი ფერებით,
ფოთლებზე ფერადი ფერები დაღვარა
და ასე ფუსფუსით, საქმით დატვირთულმა,
რთველმა ოქტომბერის დღეები ათვალა.
თამარ გელაშვილი