მოგონებები

მოგონებები, განვლილ დღეთა მკრთალი ფერები,
მოგონებები, ეს ტკბილ-მწარე დღეთა კადრები,
ზოგჯერ ცრემლების მდინარისთვის გზების გამკვლევი,
ზოგჯერ ღიმილის სათავე და ბაგის გამხსნელი.

მოგონებები, დღეს უბრალო ამბის მნახველი,
ხვალის დღისათვის შემნახავი ლამაზ წამების,
მოგონებები, ძველი სკივრი ძველი დარდებით,
ხვალის სარკე და მონატრების ფიქრთა თარეშით.
თამარ გელაშვილი