ვეტრფი გაზაფხულს

ვეტრფი გაზაფხულს, მის მშვენებას, მის სილამაზეს,
ყვავილთ სამეფოს მთა-გორებზე რომ გამორეკავს,
თაფლის სურნელით გაბრუებულ გაზაფხულს ვეტრფი,
ვნატრობ და ველი ველ-მინდვრებზე პეპლების ცეკვას.

შაშვის გალობას მოუთმენელ ბავშვივით ველი,
სულგანაბული ატმის ტოტზე რომ ჩამოჯდება,
თავს რომ იწონებს გაზაფხული თავის ქმნილებით
ამ საოცრებას ქვეყანაზე რა შეედრება.
თამარ გელაშვილი