სიყვარულის ფიცი

-შენს გვერდით ვირჩევ მზესთან შეხვედრას,
შენი ცხოვრების მცველი მერქმევა,
შენ ჩემი სულის ხდები მეწყვილე,
დღეიდან ჩემი ცოლი გერქმევა!

- შენს გვერდით ვირჩევ სიცილს და ტირილს,
შენი ცხოვრების მგზავრი მერქმევა,
შენ ჩემი გულის ხდები მპყრობელი,
დღეიდან ჩემი ქმარი გერქმევა!

-შენს მხარზე ვირჩევ თავის დადებას
როცა სევდის ზღვა თავს დამესხმება.

-შენს ხელს მივანდობ ჩემს ხელს მეწყვილედ
და სამარესთან გავხსნი პირველად.

-შენთვის ვიქნები მზეში ღრუბელი,
წვიმაში ქოლგა, თოვლში ენძელა.

-შენთვის ვიქნები უშრობი წყარო
მწყურვალს სიყვარულს გაწვდი წვეთ წვეთად.

-და ჩვენ დღეიდან…
-და ჩვენ დღეიდან…
-და ჩვენ დღეიდან წყვილი გვერქმევა.

თამარ გელაშვილი