საახალწლო ნატვრა

ისეთი წელი მინდა გისურვოთ
აგსრულებოდეთ ყველა ნატვრები,
სასიხარულო ამბის გამგონეს
გაბრწყინებული გქონდეთ თვალები.

ისეთი წელი მინდა გვეწვიოს
ბედნიერების რეკდეს ზარები,
შობის საღამოს ყველა ოჯახში
დედას დაენთოს წმინდა სანთლები.

ისეთი წელი მინდა მოვიდეს
ხვავს ვერ იტევდეს მარან-საბძლები,
დღის გათენება სულს გვინათებდეს,
ბინდს ანათებდეს კარგი ზრახვები.

ისეთი წელი მინდა ვინატრო
მშვიდობის მაცნედ ჟღერდეს ჰანგები,
მრავალჟამიერს ხმაშეწყობილად
მღეროდეს ყველა სულით ქართველი.
თამარ გელაშვილი