პოლ ელუარი. სალამი სევდავ

მშვიდობით, სევდავ,
სალამი, სევდავ,
შენ ამჩნევიხარ ჭერის ხაზებში,
შენ ამჩნევიხარ მე რომ მიყვარს,
იმავ თვალებშიც.
შენ სულაც არ ხარ უბედურება,
რადაც გაქცევენ,
რადგან ყველაზე უსუსურნი, -
ბაგენიც კი, ერთი ღიმილით გაგცემენ.
სალამი, სევდავ,
ზრდილ მოკვდავთა სიყვარულო,
თავად ტრფობის ძალმოსილებავ,
რომლის ღირსება, ვით ურჩხული
უსხეულო წარმოჩინდება.
თვითგანხიბლულო,
სევდავ, მშვენიერო სანახაობავ!

(თარგმანი რუსუდან გოგბერაშვილის)