დაგიბრუნდები...

წინასწარ ვიცი--მომავალში ფრინველად მოვალ,
რადგანაც მზერას იტაცებდა წყურვილით ზეცა...
წარმავლობაზე არ უხდება სიცოცხლეს გლოვა--
თვალსაწიერზე სულ მზისფერი მიტომაც მეცვა!..

მინდა სამყაროს ვატარებდე ბავშვური პეშვით,
მაფერადებდნენ ჭრელაჭრულა კაბით კორდები--
შენი ღიმილი მინათებდეს მაშინაც სავალს
დედამიწაზე ხელახლა რომ განვმეორდები...

რაც უნდათ ის თქვან--
ღიმილებით ვკემსე და ვქარგე,
მადლიერებით დახუნძლული
დამქონდა კალთა...
ფრინველად მოვალ--
დაგებნევი მკერდზე და მერე
დავუმშვიდდები დაბრუნებას
საკუთარ თავთან...