ისე შეცვლილხარ...

ისე შეცვლილხარ, სხვა ხარ ისეთი,
როგორსაც მე შენ ვერ გცნობ სრულიად:
იქ, ჭისწყაროთა უცხო მხარეში
ყოველგან რომ ძგერს, შენი გულია,

სადაც არ არის ბაგე მწყურვალი
და სახეს ჩრდილი არ ეკარება,
სადაც თავწყაროდ შუქს ჰპოვებს წყალი
და შუქი, როგორც წყალი, ქაფდება.

ყველა ციალი შენით ციალებს,
ჭების წყლებს შენი შუქი ჰფენია,
სრულ დავიწყებას უნდა მიეცეს
თამაში, შენ რომ მოგიგონია.

(გერმანულიდან თარგმნა დათო ბარბაქაძემ)