LYON, LES ARCHERS

გერმანულიდან თარგმნა დათო ბარბაქაძემ


რკინისისარი, მოწვართული,
აგურის ნიშში:
მომიჯნავე-ათასწლეული
გარეშექმნილა, უძლეველი,
უთვალთვალებს
შენს მეგზურ თვალებს,
ამიერ,
წილნაყარი მზერებით,
აღვიძებ იმას, მომიჯნავე ვინც არის შენი,
იგი ხდება უმძიმესი,
უმძიმესი,
და შენც, ყველაფრით,
რაც გარეშედ ქცეულა შენში,
ხდები გარეშე,
სიღრმისეული,
ის ერთი
ლარი
ჭიმავს კუთვნილ ტკივილს თქვენს ქვემოთ,
მიზანი, უკვლოდ განმქვრეული,
ელვარებს, მშვილდი.