თორმეტი წელი

მართლად-
შთენილ და მართლად-
ქცეულ სტრიქონთა რიგი: . . . და იგივ შენი
სახლი პარიზში – შენი ხელების
მსხვერპლშეწირვის ადგილად რომ გადაქცეულა.

სამჯერ ჩასუნთქვა,
მერე სამჯერ გამობრწყინება.

. . . . . . . . . . .

სიმუნჯეა საცნაური, სიყრუვეა საცნაური
ამ თვალთა მიღმა.
მე ვხედავ შხამის ყვავილობას.
თითოეულ სიტყვაში, ხატში.

წადი. და მოდი.
სიყვარული შლის თავის სახელს: შენ
მოგაწერს იგი თავის თავს.

(გერმანულიდან თარგმნა დათო ბარბაქაძემ)