ცვალებადი გასაღებით

შენ ცვალებადი გასაღებით
აღებ სახლის კარს,
რომელშიც აღწევს მდუმარის თოვლი.
იცვლება შენი გასაღები,
შენი პირიდან ან ყურიდან ან თვალიდან
დადენილი სისხლის მიხედვით.


იცვლება შენი გასაღები და – შენი სიტყვა,
ფიფქთან ერთად რომ შეიძლება შემოაღწიოს.
შესაბამისად იმ ქარისა, შენ რომ გაძევებს,
ამ სიტყვას თოვლი მოეგრაგნება.

(გერმანულიდან თარგმნა დათო ბარბაქაძემ)