თვალები: ..

თვალები:
წვიმის ნიაღვარში გაბრწყინებული,
როცა ღმერთმა შესმა მიბრძანა.

თვალები:
ოქრო, ღამეჟამმა პეშვებში რომ ჩამიჩხრიალა,
ჭინჭარს რომ ვკრეფდი
და ანდაზებს ჩრდილებს ვუთხრიდი.

თვალები:
მწუხრი, ჩემს თავს ზემოთ გაელვებული, ჭიშკარში რომ გამოვიჭერი
და მერე, ჩემივ საფეთქელთა ყინულეთში გამოზამთრებულს,
მარადისობის საუფლოში ამხედრებულს მიმიხაროდა.

გერმანულიდან თარგმნა დათო ბარბაქაძემ)