ერთი სიფხიზლე

ასეთ ამინდში ტყუილია "გამოიდარებს",
ასეთ ამინდში შიშია და გშია შიგაშიგ.
სინამდვილეა, კორპუსებთან ყველა სიმთვრალე,
სინამდვილეა, წვეთიც რომ არ გრჩება ჭიქაში.
- რჩები ჭიქაში.

სიმთვრალის მეფე კრძალვით კრძალავს სიფხიზლის პაიკს,
ულიფტოდ აგაქვს ტანჯვის ლოდი, როგორც სიზიფე.
ახლა ცხოვრება თურმე რას არ გალაპარაკებს,
ფასი ვერ მიხვდი, თუ რა ჯდება ერთი სიფხიზლე.
- კვდება სიფხიზლე.