მიზოგინია

მიზოგინია

#ლექსები

კრიმინალური ქრონიკებიდან აღებული ეს ინფორმაცია- ტიპობრივია.
ოღონდ არ იფიქროთ, რომ ტერმინებს ვურევ. რაც მოხდა - რასაკვირველია, სუფთა ფემიციდია, მაგრამ ლექსის ფინალი, სადაც “მისიანი” ჩნდება - შემფასებელ- გამმართლებელი - უკვე მიზოგინიაა - ჩვენი საზოგადოების უბედურება!
ორ უცხო სიტყვას ვერ დავარქმევდი, ნამეტანია. მკითხველთან - ბარიერია.

ნინო დარბაისელი

მიზოგინია

-მერე რა, თუკი გვქონდა “რაზვოდი”,
იყო ნამდვილი წაკლა.
თვითონ დაქალად ვინაც მიაჩნდა, სულ წვრილად ჩამიკაკლა.
ალიმენტს რატომ გადავუხდიდი, ბოზობა ჰქონდა ნაკლად!-
- თქვა მამამ, ვინაც ორი შვილის წინ დედა ღორივით დაკლა!

- მკვლელი არ არის! - თქვა მისიანმა, ღაწვიც არ შეეფაკლა.