მკვლელი მეკვლენი

#ლექსები
ნინო დარბაისელი

მკვლელი მეკვლენი

იცინის მეკვლე:
-ასე ტკბილად დამიბერდითო,
და მუჭით გვაყრის თავზე კანფეტებს.

იცინის მკვლელი:
- ასე მწარედ დაიხოცეთო,
გვაყრის ტყვიებს და ბომბით გვაფეთებს.

ყველგან ცეცხლია, სიცივეში - იწვი, თან თბები.
ერთად აცხადდა ომნანახთა ნაამბობობები:
მიწაზე - მკვდრები, ნანგრევები, კატაკომბები;
ციდან - დრონები, მიყოლებით ცვივა ბომბები.

აქ მკვდარ-ცოცხალი - არ გაირჩევა.
ფუჭია რჩევა!
ვინ გადარჩება?