გაუგზავნელი - მიხაკჩამჭკნარი ჯიბიდან

#ლექსები

ნინო დარბაისელი

გაუგზავნელი - მიხაკჩამჭკნარი ჯიბიდან

(ლანდი პოეტისა, იქაც მონორაიმს რომ თხზავს)

ჩემო პატარა გოგონია,
იცი, ცხოვრება როგორია?
არც შენ დაგინდობს, რა გგონია,
ამას მოუკვდეს მომგონია!
დღენი აქ - უბადაგონია.
ცდანი - უნიადაგონია.

ჩემო პატარა გოგონია,
იმ გორის იქით რო გორია,
იქ - დაცხრილული ვაგონია,
- სისხლის ღვარი და აგონია.
არ დგანან უბადრაგონია.
ხმანი სულ დასადაგონია.

ჩემო პატარა გოგონია,
გარეთ რაც ისმის - ჟარგონია,
მოვარსკვლავური პაგონია,
სიცოცხლე? - აქ - მონაგონია!
სიკვდილი? - ვერც გასაგონია,
რომ ქრება სული და გონია.
…

… არ შესარგონია.
… შენი სარგონია.
…

ჩემო პატარა გოგონია!
ჩემო პატარა გოგონია!