დაღლილობის სონეტი

#ლექსები

ნინო დარბაისელი
დაღლილობის სონეტი


უკვე ბევრჯერ წახვედი,
და ბევრჯერაც მოხვედი,
თავბრუს როგორ მახვევდი!
გიგავს ახალმოხვეტილს,

თმები, ისე გაგცვივდა,
უკვე ღიპიც დაგედო,
ადრე - მსგავსო არწივთა,
გყავდი მოამაგედო.

იცი ხილის თვისება?
ჩირად აბამ? - ჩირდება.
რა - რამის გასხვისება?!
მე - არ გაიმიჭირდება!

ვუთხრათ ან ვაამოთ ვის?
სხვათა განმსჯელს - ვინ მოთვლის!