სინაის მთაზე ავედი (სონეტი ეგვიპტური დღიურებიდან)

#ლექსები

ნინო დარბაისელი

სინაის მთაზე ავედი
(სონეტი - ეგვიპტური დღიურებიდან)

სინაის მთაზეც ავედი,
თავი მეგონა მოსე,
თავს მედგა რამ ვარსკვლავედი
და ნათლით შევიმოსე.

ეკატერინეს მონასტერს -
ქართული კვალი ვძებნე,
ჩამოსვლა სხვებმა მომასწრეს,
და მადევნებდნენ მძებრებს.

ხელნაწერია მრავალი,
ექვსასამდეო, მგონი.
მე - აღმა დაღმა-მავალი -
- შოკში ვარ განაგონით.

აქამდე განაზღაპრებო,
მადლობა, წინაპრებო!